مركز ipa لتدريس الـ cma

تقييم ورأي الزملاء في مركز IPA لتدريس CMA

أنا احــمد .. من المنصورهـ .. بكالريوس تج ــارهـ ( عربي ) 2008/2009

بصراحه انا كنت رحت معهد الـ ipa اللى في المنصورهـ … وكنت ناوى اخش على بآرت 3 بالنظام القديم

بس بصراحه لقيت المركز مش قد كدهـ وحسيت انهم بيكروتو فى المنهج وان المادهـ العآــميه عندهم مش كويسه اوى

لان مفيش حد منهم يقدر يدى بارت كامل لوحدهـ … وكمان بصراحه نظرا لضعف مستوايا في الانجليزي .. حسيت ان الموضوع صعب

قلت في نفسي انا اخش ع النظام الجديد احسن لى وخصوصا ان هاتكون فرصتى اكبر .. ومش هاكون مضغوط

بس طبعا المركز مش رادى يدينى المقدم اللى دفعته .. عموما هيا قصه طويله لاداعى لسردها على مسامعكم

بعد كدهـ نويت آخد بارت واحد بالنظام الجديد فى مركز في اسكندريه .. بس اللى كان مخوفنى ان المشوار هايبقي صعب عليا

وبصراحه كنت قلقان ابدأ فيها لوح ــدي وخصوصا ان ظروفى متلخبطه شويه .. وبالصدفه لقيت الموضوع دهـ وانا قاعد افكر فى موضوع اسكندريه دهـ .. عشان كدهـ نفضت لموضوع اسكندريه

وإن شآء الله هابدأ معاكم .. وخصوصا ان الكل عندهم عزيمه و إصرار ومشجعين في نفس الوقت .. عموما ربنا يوفقنا

رد الأخ حسام عبد الفتاح

بالنسبة للاى بى ايه ده مركز ممتاز جدا انا عن نفسى كنت هبدا معاه بس فى فرع المعادى نصيحتى ليك متاخدش بالشكل وابدا وهما اصلا مش بيخلوا شخص واحد بس اللى يدخل يدى المادة كلها بيدخلو مثلا المتخصص فى الاقتصاد يدخل فى الاقتصاد والمتخصص فى التكاليف يدخل فى التكاليف وهكذا ودى حتة تنظيمية عندهم عجبتنى اوى وهتلاقى كمان عندهم اسطوانات اسئلة خاصة بيهم هما واسطوانات شرح وكمان ممكن تروح فى اى وقت عندهم تستمع لاى محاضرات انت عايزها وعلى ما اظن بتبقى فيديو

بالنسبة للاسكندرية المسافة بين المنصورة والاسكندرية طويلة اوى وهيبقى مشوار مرهق اوى عليك ومكلف وهيضيع وقت كبير خليك فى المنصورة احسن او لو عايز تطلع بره المنصورة يبقى القاهرة عالاقل قريبة عن الاسكندرية كتير

بالنسبة للانجليزى باذن الله موضوعه بسيط هيجى مع الوقت وباذن الله مفيش حاجة صعبة

–

انا روحت لمركز IPA من فترة وحضرت السمينار بتاعهم في المركز الرئيسي بالمهندسين
وسمعت من طارق عزب نفسه ولقيت من مزايا المركز انه بيوفرلك محاضرات dvd لو فاتت حصة ولا حاجه لاحسن المحاضرين في المركز …. غير بنك الاسئلة الي قال عليه … وقال ان وانت خارج لو عاوز المحاضره mp3 مفيش مانع … وقال انه بيركز علي انه بيجيب محاضرين متخصصين في كل جزئية وبيكون حاصل علي cma وشوفت القاعات عندهم وكانت ممتازة

لما سألت عن طارق عزب ومركزه IPA لناس في نفس مجاله وعنده معرفة شخصية بيه وبمعظم المراكز كان رأيه ( اياك تاخد هناك طارق عزب ممتاز وكل حاجة من يوم ما كان بيشتغل مع فليب ومن ايام شغله في مركز المحاسبات ولو هوه الي كان بيشرح بس المشكله ان 75% من اختياراته للمدرسين خاطئه قال انه كان بيجرب محاضرة في جزئية معينه وكان جايبلهم معيده بتشرحلهم وكانت متعوده علي نظام الجامعه في الشرح وكانت بشعه في توصيل المعلومه .. ( بمعني مش كل الي بيشرح علي مستوي كويس من توصيل المعلومه ولكن علمه ممتاز ,,, وانت تحتاج توصيل المعلومه اكتر من معلوماته الي لا يستطيع توصيلها لك )

هذه معرفتي بهذا المركز الي حد ما اردت ان اشاركها معكم