الشهادات المهنية

للمهتمين بدراسة CFA

للمهتمين بدراسة CFA  أفضل ناس تكون مرشحة أنها تتقدم لدراسة ال CFA ، و المفروض أنهم يتحملوا مشقة الدراسة و التكاليف العالية بتاعتها ، هم الناس اللي بتشتغل و عندها سنين خبرة تخليهم قادرين يحددوا بالظبط الوظائف اللي هم عايزين يحصلوا عليها و متأكدين 100 % إن شهادة ال CFA هتكون مؤثرة جدا في تخصصهم و تدرجهم الوظيفي.

بالنسبة للطلبة أو الناس اللي لسه بتستكشف مجالات الإستثمار و وظائفها ، او الناس اللي بتفكر في دراسة ال CFA ولسه مش متأكدين في قدرتهم علي المذاكرة و تخطي الإمتحان .

أو حتي الناس اللي شغاله جوه شركات تخصصها الإستثمار لكنهم بيشتغلوا وظائف لا تخص الإستثمار في حد ذاته زي مثلا ( حد شغال تسويق لشركة سمسرة ) ساعتها معرفته ودرايته بأسس الإستثمار و مصطلحات الإستثمار بيكون أمر حاسم في شغله ، يبقي الشهادة ديه مهمه له.

معهد ال CFA عمل برنامج إسمه ( CFA Institute Investment Foundations® Program )

برنامج معهد CFA لأسس الإستثمار ، وهو برنامج مجاني تماما و بتاخد أجزاء من المادة العلمية اللي بتاخددها ف ال CFA ، و بعد كده بتمتحن أونلاين ، ولما بتنجح بتاخد شهادة معتمدة من معهد ال CFA .

المادة العلمية متاحة بالكامل مجاناً علي موقع معهد CFA

https://www.cfainstitute.org/programs/investment-foundations/curriculum/download?fbclid=IwAR3DIkUIK35rBe3Hzzbn7R3UGFKOcm2GDItvIo_k11vGlIk3Hellh6miEWA

 

وهم 7 Modules ، المفروض بتذاكرهم وبعد كده

– بتسجل أنك عايز تمتحن علشان تاخد شهادة البرنامج ده ، وبعد التسجيل بتستني 30 يوم علشان تبدأ في الخطوة التانية

– تاني خطوه بتمتحن Mock Exam A ولازم تجيب 70 % علي الأقل

– تالت خطوة بتمتحن Mock Exam B وبردوا لازم تجيب 70 % علي الأقل

– بعد كده الخطوة النهائية وهي Final Exam ، ولما بتنجح بتاخد شهادة إلكترونية من المعهد أن تخطيت البرنامج ده.

المادة العملية بتاعتها مش قليلة او بسيطة ، لكنها بتخليك عندك دراية قوية جداا بعالم الإستثمار وديه أفضل حاجة ممكن يركز عليها الطلبة اللي بدأوا فعلا يحددوا أن وظائف مجالات الإستثمار هي شغفهم.

أخيرا ده لينك الشهادة دية علي موقع معهد ال CFA ، فيها تفاصيل أكتر و لينك المادة العلمية ، و طبعا لينك التسجيل.

https://www.cfainstitute.org/programs/investment-foundations?fbclid=IwAR1Q-Hoh1c0BeeV8FmfeeJpbCZN-4KlIWWzB_LW9_PsaVXzPmG9N6o1wAYs

 

الوسوم

مقالات ذات صلة

زر الذهاب إلى الأعلى